Dáil Éireann Debate, Tuesday - 24 February 2026
1148. D'fhiafraigh Deputy John Connolly den Aire Forbartha Tuaithe agus Pobail, agus Gaeltachta cén uair a bheidh an Clár Seirbhísí Pobail (Community Services Programme) oscailte arís le haghaidh iarratas, cén uair a bheidh foirmeacha iarratais agus sonraí an Chláir nua ar fáil; agus an ndéanfaidh sé ráiteas ina thaobh. [14992/26]
View answerTá Clár Seirbhísí Pobail (CSP) mo Roinne ag tacú le 445 seirbhís ar fud na tíre faoi láthair, trí 426 eagraíocht phobail chun seirbhísí sóisialta, eacnamaíocha, agus comhshaoil áitiúla a chur ar fáil trí mhúnla fiontraíochta sóisialta le leithdháileadh €59.4m in 2026.
Cuireann an Clár CSP ranníocaíocht chómhaoinithe bhliantúil ar fáil i leith gach post coibhéise lánaimseartha (CLA) lena bhfuiltear ag tacú agus, nuair atá gá leis, i leith an costas a bhaineann le bainisteoir a fhostú. Níl an ranníocaíocht CSP ag teacht leis an íosphá agus níl i gceist léi an costas iomlán a bhaineann le tuarastal na bpost tacaithe a chlúdach. Ní mór an ranníocaíocht a chómhaoiniú le foinsí eile, mar shampla, le hioncam a fhaightear ó úsáid phoiblí a n-áiseanna agus a seirbhísí.
Tá an Clár CSP ag cur maoiniú ar fáil i gcomhair 1,718 CLA agus 350 post bainisteora faoi láthair.
Mar is eol duit, ar an 17 Nollaig an bhliain seo caite, d’fhógair an tAire Calleary agus mise go raibh muid chun gairm oscailte a reáchtáil ar eagraíochtaí nua chun páirt a ghlacadh sa Chlár CSP go luath in 2026, de réir gealltanas sa Chlár Rialtais. Tá an ghairm oscailte seo á dearadh faoi láthair agus eiseofar sonraí, cosúil leis na seirbhísí agus eagraíochtaí pobail incháilithe, sna seachtainí amach romhainn.
Idir an dá linn, más mian le heagraíocht ar bith go ndéanfar teagmháil leo nuair a osclaítear an Clár i gcomhair iarrthóirí nua, is féidir leo sonraí teagmhála do phointe teagmhála ainmnithe a chur chuig an seoladh ríomhphoist csp@drcdg.gov.ie
