An Bille Craolacháin (Leasú), 2026

Bille dá ngairtear Acht do dhéanamh socrú maidir le comhaltaí de Choimisiún na Meán do nochtadh agus do dhífheistiú leasanna iomchuí i soláthraithe áirithe; do thabhairt lánéifeacht d’Airteagail 5 agus 6(3) de Rialachán (AE) 2024/1083 ó Pharlaimint na hEorpa agus ón gComhairle an 11 Aibreán 2024 lena mbunaítear creat comhchoiteann le haghaidh seirbhísí meán sa mhargadh inmheánach agus lena leasaítear Treoir 2010/13/AE (An Gníomh Eorpach um Shaoirse na Meán); do dhéanamh socrú breise maidir le coistí de Choimisiún na Meán; do dhéanamh socrú, chun críocha a fheidhmeanna, maidir le cumhacht a bheith ag Coimisiún na Meán chun faisnéis áirithe a éileamh ó sholáthraithe áirithe; do leathnú cur chun feidhme dualgas agus cód, agus do leathnú na forála maidir le gearáin, i ndáil le lánas seirbhíse poiblí arna fhoilsiú ag na corparáidí; do dhéanamh socrú breise maidir le bord corparáide, agus an t-ardstiúrthóir ar chorparáid, a cheapadh agus maidir lena fheidhmeanna nó lena feidhmeanna, agus maidir leis an gcomhairle lucht féachana agus éisteachta ar chorparáid a cheapadh agus maidir lena feidhmeanna; do dhéanamh socrú maidir leis an Ard-Reachtaire Cuntas agus Ciste d’iniúchadh chuntais RTÉ; dá cheangal faisnéis a fhoilsiú i dtaobh luach saothair chomhaltaí foirne agus chonraitheoirí na gcorparáidí; do dhéanamh socrú maidir le breithmheasanna a thabhairt agus athbhreithnithe a dhéanamh ar mhaoiniú agus ar fheidhmíocht na gcorparáidí; do dhéanamh socrú breise maidir leis na corparáidí do choimisiúnú cláir neamhspleácha; do dhéanamh socrú maidir leis an gCiste Craolacháin a athainmniú agus maidir le scéimeanna lánais seirbhíse poiblí a mhaoiniú as an gCiste; do leasú na forála a bhaineann leis an tobhach i leith saothar Eorpach; chun na gcríoch sin, do leasú an Achta Craolacháin, 2009 agus Acht an Ard-Reachtaire Cuntas agus Ciste (Leasú), 1993; agus do dhéanamh socrú i dtaobh nithe gaolmhara.

Nuashonraithe go deireanach: 22 MFómh 2026

Urraithe ag: Minister for Culture, Communications and Sport;

Foinse: Government

Teach Tionscnaimh: Dáil Éireann