An tAcht um Aerfort Bhaile Átha Cliath (Toilleadh ó thaobh Líon Paisinéirí), 2026

Bille dá ngairtear Acht do thabhairt cumhacht don Aire Iompair, ar mhaithe le leas an phobail agus ag féachaint don tábhacht straitéiseach a bhaineann le hAerfort Bhaile Átha Cliath maidir le tacú le nascacht idirnáisiúnta, le trádáil, le turasóireacht, le hinfheistíocht agus le gluaiseacht daoine agus lasta go dtí an Stát, agus uaidh, agus laistigh de, chun ordú a dhéanamh chun leasú nó cúlghairm a dhéanamh ar choinníoll pleanála a bhaineann leis an líon paisinéirí a fhéadfaidh Aerfort Bhaile Átha Cliath a úsáid chun taisteal d’aer go dtí aerfort eile nó uaidh; dá chumasú do ÚABÁC, cuideachta phoiblí theoranta, iarratas a dhéanamh chuig an Aire Iompair chun na críche sin; do dhéanamh socrú, roimh ordú den sórt sin a dhéanamh, maidir leis an gCoimisiún Pleanála do dhéanamh measúnachtaí comhshaoil chun críocha Threoir 2011/92/AE ó Pharlaimint na hEorpa agus ón gComhairle an 13 Nollaig 2011 maidir le measúnú a dhéanamh ar éifeachtaí tionscadal poiblí agus príobháideach áirithe ar an gcomhshaol, Threoir 2000/60/CE ó Pharlaimint na hEorpa agus ón gComhairle an 23 Deireadh Fómhair 2000 lena mbunaítear creat do ghníomhaíocht chomhphobail i réimse an bheartais uisce agus Threoir 92/43/CEE ón gComhairle an 21 Bealtaine 1992 maidir le gnáthóga nádúrtha agus fána agus flóra fiáine a chaomhnú; ag féachaint don tábhacht réamhluaite a bhaineann le hAerfort Bhaile Átha Cliath, do theorannú na gcoinníollacha pleanála a fhéadfar a fhorchur ar fhorbairt ag an Aerfort sin agus, chun na críche sin, do leasú an Achta um Pleanáil agus Forbairt, 2000 agus an Achta um Pleanáil agus Forbairt, 2024;  do leasú an Achta um Thorann Aerárthaí (Aerfort Bhaile Átha Cliath) a Rialáil, 2019; do thabhairt díolúine ó fheidhm alt 15 den Acht um Ghníomhú Aeráide agus um Fhorbairt Ísealcharbóin, 2015; agus do dhéanamh socrú i dtaobh nithe gaolmhara. 

Nuashonraithe go deireanach: 16 Iúil 2026

Urraithe ag: Minister for Transport;

Foinse: Government

Teach Tionscnaimh: Dáil Éireann