Dáil Éireann Debate, Tuesday - 16 January 2018
1919. D'fhiafraigh Deputy Catherine Connolly den Aire Cultúir, Oidhreachta agus Gaeltachta maidir leis an mbord nua d’Údarás na Gaeltachta, an bhfuil na comhaltaí nua ainmnithe aici go fóill; má tá, cé hiad na comhaltaí nua; mura bhfuil, cén dáta a dhéanfar cinneadh maidir leis na comhaltaí nua; agus an ndéanfaidh sí ráiteas ina thaobh. [55053/17]
Amharc ar fhreagra1924. D'fhiafraigh Deputy Éamon Ó Cuív den Aire Cultúir, Oidhreachta agus Gaeltachta cén uair a ainmneofar Bord nua Údarás na Gaeltachta; cén chúis atá leis an moill ar an ainmniú, ag cur san áireamh an freagra a fuair mé ar Cheist Pharlaiminte le gairid; an dtuigeann sí an dochar atá á dhéanamh ag an moill seo do chruthú fostaíochta sa Ghaeltacht; agus an ndéanfaidh sí ráiteas ina thaobh. [1264/18]
Amharc ar fhreagra1943. D'fhiafraigh Deputy Pearse Doherty den Aire Cultúir, Oidhreachta agus Gaeltachta cad chuige nach bhfuil bord Údarás na Gaeltachta i bhfeidhm faoi láthair; an bhfuil aon dul chun cinn déanta aici chun bord úr a cheapadh; agus an ndéanfaidh sí ráiteas ina thaobh. [1912/18]
Amharc ar fhreagraTógfaidh mé Ceisteanna Uimhir 1919, 1924 agus 1943 le chéile.
D’fhógair mé Bord nua an Údaráis ar 12 Eanáir. Seo a leanas comhdhéanamh an bhoird nua:
Cathaoirleach
Anna Ní Ghallachair : Stiúrthóir, Ionad na dTeangacha, Ollscoil na hÉireann, Má Nuad.
Comhaltaí ceaptha ar ainmniúchán Comhairle Chontae Dhún na nGall, Mhaigh Eo, na Gaillimhe agus Chiarraí faoi seach
John Shéamuis Ó Fearraigh: Bun an Leaca, Leitir Ceanainn, Co. Dhún na nGall. Comhairleoir Contae. Ainmnithe ag Comhairle Contae Dhún na nGall.
Seán Mac Congamhna: Bóthar Bhéal Átha na Muice, Cill Cheallaigh, Co. Mhaigh Eo. Comhairleoir Contae. Ainmnithe ag Comhairle Contae Mhaigh Eo.
Séamus Walshe: Glann, Uachtar Ard, Co. na Gaillimhe. Comhairleoir Contae. Ainmnithe ag Comhairle Contae Chiarraí.
Séamus Cosaí Mac Gearailt: Na Gleannta, An Daingean, Co. Chiarraí. Comhairleoir Contae agus iarchomhalta ar bhord Údarás na Gaeltachta. Ainmnithe ag Comhairle Contae Chiarraí.
Comhaltaí eile ceaptha ar an mbord de thoradh próiseas poiblí a eagraíodh faoi stiúir an tSeirbhíse um Cheapacháin Poiblí ( PAS)
Eunan Mac Cuinneagáin: Bóthar Glinne, An Charraig Co. Dhún na nGall.
Ian Mac Aindriú: Bóthar Bhéal an Fheadha, Béal an Mhuirthead, Béal an Átha Co. Mhaigh Eo.
Seosamh Ó Laoi: Baile an tSagairt, an Spidéal Co. na Gaillimhe.
Mary Uí Chadhain: Gabhla, Caiseal, Conamara Co. na Gaillimhe.
Siobhán Seoighe: Doire Longáin, Átha Buí Co. na Mí.
Debra Ní Shúilleabháin: Ceapach na gCrann, Maistir Gaoithe, Cill Airne Co. Chiarraí.
Cé gur bord de 12 comhalta atá i gceist, is 11 comhalta atá le ceapadh ar an údar go bhfuil rota i gceist i leith na gceantar is lú Gaeltachta eadhon: Comhairlí Contae na Mí, Phort Láirge agus Chorcaí. Faoin socrú seo, is tréimhse dhá bhliain a bhíonn ag na comhaltaí sin ar bhonn rota eatarthu san ord: An Mhí, Corcaigh agus Port Láirge. I gcomhréir leis an socrú seo, ceapadh Máire Seosaimhín Breathnach, ainmniúchán Chomhairle Contae Phort Láirge, ar bhord an Údaráis anuraidh don tréimhse 15 Feabhra 2017 go dtí 14 Feabhra 2019.
