Dáil Éireann Debate, Tuesday - 7 July 2026
296. D'fhiafraigh Deputy Aengus Ó Snodaigh den Aire Caiteachais Phoiblí, Bonneagair, Athchóiriúcháin Seirbhíse Poiblí agus Digitiúcháin cén méid a caitheadh ar chúrsaí Gaeilge do státseirbhísigh chuile bhliain le cúig bliana anuas, cén líon daoine a rinne na cúrsaí chuile bhliain agus cén t-eagras lena ndearnadh na cúrsaí. [51825/26]
Amharc ar fhreagraNíl sonraí ag mo Roinn maidir leis an gcaiteachas bliantúil ar chúrsaí Gaeilge d’fhostaithe sna comhlachtaí poiblí go léir, mar sin ní bhaineann an freagra seo ach le mo Roinn féin amháin. B’fhéidir gur mhaith leis an Teachta ceisteanna ar leith a chur faoi bhráid Airí eile maidir lena gcuid Ranna féin. Cuireann mo Roinn an Ghaeilge chun cinn i measc a foirne trí chumarsáid inmheánach leanúnach a dhíríonn aird ar na deiseanna oiliúna Gaeilge atá ar fáil trí chlár OneLearning an Fhorais Riaracháin, lena n-áirítear scaipeadh sonraí na gcúrsaí agus na seimineár gréasáin a bhaineann le gach leagan den chlár. Cuireann an cúrsa OneLearning Teastas sa Ghaeilge Ghairmiúil ar fáil agus is é Gaelchultúr a sholáthraíonn é, le scrúdú agus creidiúnú Theastas Eorpach na Gaeilge (TEG). Thacaigh an Roinn freisin le forbairt agus le cur chun cinn sraith micridhintiúr, lena n-áirítear cláir Ghaeilge a chuireann Ollscoil na Gaillimhe ar fáil.
Léirítear thíos miondealú ar chaiteachas na Roinne ar sheirbhísí Gaelchultúir le cúig bliana anuas:
|
Bliain |
Líon na Rannpháirtithe |
Méid |
|
2026 (go dtí seo) |
21 |
€24,870 |
|
2025 |
14 |
€20,860 |
|
2024 |
10 |
€11,630 |
|
2023 |
11 |
€14,155 |
|
2022 |
10 |
€11,175 |
